اثول يعني اثول مابيها مجال

يكَولك أكو واحد راح يتعلم السياقة...

من طلع أول درس وية المدرب على سيارة التدريب .. المدرب طلع كَرايبة وأكبر منه بالسن..


كَال له المدرب: تحرك...

فتحرك بدون ما ينطي إشارة..!


كَال له المدرب:

يا أثول غير تنطي إشارة بعدين تمشي..


انزعج الرجال وفكر شلون المدرب يحجي وياه بهالطريقه حتى لو كَرايبة..!

المهم طنش ومشى وراد يتجاوز لوري..

فتجاوز بدون ما يباوع وراه..


كَال له المدرب:

يا أثول غير تباوع وراك كَبل ما تتجاوز..


انزعج الرجال وفكر شلون المدرب يحجي وياه بهالطريقه..

وبعد هم طنش ومشى وجان كَدامه إشارة ضوئية أصفر ..

كَام داس بانزين وتجاوزها..!!


كَال له المدرب :

يا أثول الإشارة الصفرا يعني هدي السرعة مو تزيد السرعة..


الرجال طلعت روحه وكَال للمدرب:

أنا الحق علي إني كَاعد أتدرب وية أشكالك..

ما أريد أتدرب على السواقة و أريدك ترجعني منين ما أخذتني.


المهم نزلوا وتبادلوا الأماكن, وشغل المدرب السيارة وتحرك بدون ما ينطي إشارة.


شافه شرطي المرور ووكَفه صاحبنة اللي يريد يتعلم فرح هواية وكَال هسة الشرطي راح ياخذ حيفي منه..

إجا الشرطي لعنده وكَال له:

الحق مو عليك.. أنت باين عليك تتدرب...!!

بس الحق على الأثول اللي كَاعد بصفك..!
.....................
لاتنسوتي بالردود
تحياتي

هههههه شكرا لؤلؤه حيل حلوه

مرورك الحلو
تحياتي

مشكووووووووووورة ع المرور

ههههه
والله شلعان كلب


حلوة ..تقبلي مروري

مشكوووور على المرور

هههههههههههههههههههه حلوة
تسلم ايدج

مشكوره ع المرور
تحياتي

عاشت ايدج حلوة وربي تحياتي تقبلي المرور