قصيدة تحشيشية لجماعة السادس

شلونكم شباب وبنات

سالفتي ويه السادس
كيفت وصلت السادس ... وهسه اكلك اشصار
احجيلك السالفه من الاول ... لوتريد احجيها باختصار
اخاف اتمل التفاصيل ... واحسن السوالف اكصار
تدري حبسوني بالبيت ... وكالو حرب وحصار
اقره وحيلك شده ومن ... كتبك لا تحرك ابصار
لو تتعب اهواي وتفوز ... لو ما تحقق الانتصار
وتدري من جنه نقره ... ما كو كهرباء والجو حار
اريد اخلص المواد ... متوتر واعصابي نار
ومنا خبصة البيت ... ومناك هوسة الاصغار
وبعد سوالف ومناقشات ... وحتى صياح بين الاكبار
وكلساع اخويه الزغير ... يجي ينقللي الاخبار
يمعودين خلوني اقره ... لا تلهوني وتخلوني محتار
تره عندي كيميه وفيزيه ... وعربي بغرفة الانتظار
والاحياء عندي مصيبة ... الوراثة وانقسام لو انشطار
تاهت علي اني وتيهت ... مدري بياهو ابدي محتار
باختصار السنه خلصت ... وكلمن راح دربه
بس لا الحصار خلص ... ولا الحرب مالتي ولا حربه
احجيلك اشصار بالامتحان ... من اجتي الاسئله امسربه
اتسرب صعوبه اكلك ... مو مثل العام امتربه
بديت اول سؤال كلت ... اكتب الجواب واجربه
السؤال الثاني ما عرفته ... لا مار بيه ولا بقربه
كلبت الاسئله مرتين ... والدفتر كمت اكلبه
دورت الذاكره بلكت ... اتذكر جواب اكتبه
وهمه المراقب منا يكلي ... عينك بالدفتر تره اسحبه
وهم فكرت اوكف بالطريق ... اشوف العنده جواب اسلبه
وبين الهموم والافكار ... كلمن دك وي الجرس كلبه
الوكت خلص وما امجاوب ... كلت امسح الدفتر واخربه
اخاف احصلي كتله ... يللا اكبر وانسى هالضربه
اخاف اطلع خمسين عدل ... شسوي عادين مسحته
وكمت كلت اريد الاسئله ... كال المراقب مو بس انته
مرات احصلهه بس ... هالمرة الدفتر وياها سلمته
واكلك باقي الامتحانات ... مثل هالامتحان سالفته
كلت عالدور الثاني أحسن ... واطلع المعدل الردته
انوب الظروف منا وقرارات ... الياريت امتحنت وخلصته
ما اطول عليك بالنهايه ........... السادس عالسنه الجايه أجلته